“Sa katunayan, tinipon ng marami sa mga nagsasagawa ng mahika ang mga aklat nila at sinunog ang mga iyon sa harap ng lahat. Nang kuwentahin nila iyon, nalaman nilang nagkakahalaga iyon ng 50,000 pirasong pilak.” — Gawa 19:19, NWT
Ang Clavicula Salomonis o mas kilalang “The Key of Solomon the King” ay ang klasikong grimoire, o aklat ng mahika, na hindi wastong naiugnay sa sinaunang biblikal na Haring si Solomon na naghari sa Israel noong ika-9 na siglo BC.
Ang kasulatan ay malamang na nagsimula pa noong ika-14 o ika-15 siglo sa panahon ng Italian Renaissance at na ito ay tipikal na yari sa Renaissance magic. Nakadetalye mismo sa volume ng nasabing aklat ang maraming mga halimbawa ng mga mahika na karaniwan sa sinaunang mundo, pati na ang mga rituwalistikong pamamaraan upang masangguni ang mga nilalang na nasa “ibang mundo” kagaya ng mga espiritu, demonyo at mga anghel. ¹
Posible namang naimpluwensyahan ng The Key of Solomon ang mga panghuling akda, malamang noong ika-17 siglo C.E, kagaya ng Clavicula Salomonis Regis, Ang Maliit na Susi ni Solomon (“The Lesser Key of Solomon), o ang Lemegeton).
Naimpluwensyahan rin nito ang isang English mathematician, astronomer, astrologer, teacher, occultist, at alchemist na si Dr. John Dee (c. 1527-1609). Naging tanyag ang kanyang akda na pinamagatang “Liber Logaeth” (na nangangahulugang ‘Book of the Speech of God’). Ayon kay Dee, ang akda niya ay tumutukoy sa mystical language na ipinaalam sa kanya ng mga anghel o espiritung kumausap sa kanya. ²
Naging tanyag ang akda ni Dee matapos mailimbag ni Geoffrey James (1983) ang The Enochian Evocation of Dr. John Dee ³ na nagsasaysay ng mga malalalim na kaalamang ipinasa umano ng mga espiritu kay Dee kabilang na rito ang lenguwaheng ginagamit ng mga anghel sa kanilang pakikipagtalastasan sa mga ordinaryong tao na bukas ang isip sa daigdig ng espirituwal.
Bagamat marami ng iba’t-ibang salin ng The Key of Solomon, pinaniniwalaang una itong lumabas sa wikang Latin o Italian noong ika-14 o 15-siglo. ⁴
Ang The Key of Solomon ay isang uri ng tinatawag na pseudepigrapha book dahil ito ay isinulat ng hindi aktuwal na taong nakapamagat mismo sa libro kundi ng isang di-nagpapakilalang awtor. Oo, ang The Key of Solomon ay hindi mula sa totoong biblikal na si Haring Solomon. Ito ay ginawa ng mga nahuling taong nagpapakilala sa pangalan ni Solomon.
Dahil rito, mahigpit na ipinagbawal ng Sangkakristiyanuhan ang paggamit ng anumang akdang may kinalaman sa mahika, kagaya ng The Key of Solomon dahil ito ay labag sa kautusan ng Diyos. (Deuteronomio 18:9-12) Ano nga ba ang nakapaloob sa aklat ng The Key of Solomon?
Ang aklat ng The Key of Solomon ay isang aklat na pang-mahika o “divination”. Ito ay nahahati sa dalawang aklat. Naglalarawan ito ng mahahalagang pamamaraan sa pagsasagawa ng isang masusing operasyon ng pagsasalamangka o magical operations. Di tulad sa huling mga akdang-grimoires, gaya ng Pseudomonarchia Daemonum, (16-siglo) o mas kilalang Lemegeton (17-siglo), ang The Key of Solomon ay ginagamit sa operasyon ng mahika na kung saan tanging ang pangalan at kapangyarihan lamang ng Diyos ang siyang tinatawag. Sa ilang mga huling akdang-grimoires, ang mga demonyo o espiritu ang tinatawag ng mga taong sumasangguni. Ginagamit ito ng mga espiritista upang maitaboy ang mga masasamang elemento, kapangyarihan ng demonyo, pag-alis ng mga karamdaman sa katawan at panghuhula.
Gumagamit ng iba’t-ibang pamamaraan ang mga taong nais na makipagsangguni sa mga espiritu gaya na lamang ng ilang uri ng simbolo ng mahika (magical symbols), mga magical papyrus, magic drawings, at mga amulets o anting-anting. Lahat ng ito ay mayroong kinalaman sa okultismo.
Ang paggamit ng totoong uri ng rituwal na salamangka na nakapaloob sa mga grimoire ay lubhang napaka-mapanganib lalo na sa mga taong walang alam sa espirituwal. Mahigpit namang iniiwasan ito ng mga Kristiyano dahil maaari itong makapahamak sa kanila at masilo ng pagsamba sa diyos-diyosan o idolatriya. — 1 Corinto 10:14; 1 Juan 5:21
Mga Sanggunian:
¹ “Walang batayan para sa pag-uugnay sa Susi ni Solomon, sa kasalukuyang anyo nito, na isang mas mataas na sinaunang panahon kaysa sa ikalabing-apat at ikalabinlimang siglo.” (“there is no ground for attributing the Key of Solomon, in its present form, a higher antiquity than the fourteenth and fifteenth century.”Arthur Edward Waite The Book of Black Magic p. 70) Arthur Edward Waite The Book of Black Magic p. 70.
² DiTommaso, Lorenzo (2018), “Echoes of Enoch in Early Modern England: ‘Enoch Prayer’ (London, British Library MS Sloane 3821)”, in Ellens, J. Harold; et al. (eds.), Wisdom Poured Out Like Water: Studies on Jewish and Christian Antiquity in Honor of Gabriele Boccaccini, Deuterocanonical and Cognate Literature Series, vol. 38.
³ The Enochian Evocation of Dr. John Dee
⁴ Arthur Edward Waite The Book of Black Magic p. 70
Latest Posts
- Presidential Debate Highlights: Donald Trump vs. Joe Biden |
- China dams release water, submerging more cities and flooding more streets |
- Terror attack in Dagestan, Russia kills police, priest and destroyed churches and synagogues |
- Why is Jesus an “Archangel”, not God Almighty himself? |
- Terrorist weapon supplier killed in Lebanon strike, Israel reports |
Jason Jeth Newshub 